Teo Ernandes: "Messi bizni qo‘rqitolmaydi"

Frantsiyalik himoyachi Teo Ernandes Argentinaga qarshi JCh-2022 finalidan oldin o‘z fikrlari bilan o‘rtoqlashdi.

"Messi bizni qo‘rqitolmaydi. Argentina juda kuchli jamoa. O‘yin ajoyib bo‘lishini bilamiz. Tayyorlanishimiz uchun bir necha kun bor. Ular bizga muammo tug‘dirmaydi", - deya Ernandesning so‘zlarini keltirdi TF1.

Ma’lumot uchun, JCh-2022da Ernandes 5 ta uchrashuvda qatnashib, 1 ta gol urdi va 2 ta golli uzatmani amalga oshirdi. U kecha Marokash darvozasini ishg‘ol qilishga muvaffaq bo‘ldi va jamoasining g‘alabasiga muhim hissa qo‘shdi.

Frantsiya jahon chempionati finalida Argentinaga qarshi maydonga tushadi. O‘yin 18 dekabr kuni "Lusail" stadionida bo‘lib o‘tadi.