Терма жамоа ўйинчиси Европадан Ўзбекистон клубига келади

Россиялик журналист Александр Троицкий ўзининг ижтимоий тармоқлари орқали Қозоғистон ёшлер терма жамоаси ярим ҳимоячиси Абинур Нуримбетнинг режалари ҳақида сўнгги маълумотларни эълон қилди.

Манбага кўра, истеъдодли футболчи Беларуснинг “Гомель” жамоасидан “Андижон”га ўтиш ҳаракатида экан.

- Абинурнинг Қозоғистонга қайтиши режада йўқ. “Андижон”га бориш эҳтимоли катта.

Абинурнинг “Андижон” билан алоқаси бор. У ерда Рустам Туримуродов жуда яхши ўйнаяпти. Бу футболчи Абинур билан “Энергетик-БГУ”да бирга тўп тепган.

Умуман олганда, андижонликлар ёш таркибни шакллантиришга эътибор қаратмоқда. Мавсум бошида жамоага ЦСКАдан Лука Згурский ва Максим Сарраф, “Шериф” ва “Ислочь” клубларининг собиқ ҳужумчиси Шаҳром Самиев қўшилди.

Александр Хомяков қўл остида маҳаллий ёшлардан Бектемир Абдуманнонов, Исломбек Маматказин, Шерзод Эсонов каби футболчилар ўсишга эришмода.

Қизиғи шундаки, қозоғистонлик ўйинчиларнинг Ўзбекистон чемпионатининг келиши жуда кам учрайдиган ҳолат. Охирги 15 йилда (Transfermarkt порталига киритилган мавсумларда) Қозоғистоннинг атиги икки вакили ўзбек клубларида ўйнаган. Владислав Васильев “Андижон” ҳамда Кирилл Пасичник “Бухоро” шарафини ҳимоя қилган.

Кўпчилик бу рўйхатга Ўзбекистондан етишиб чиққанига қарамай, Қайрат Ўтабоевни ҳам қўшади, - деб ёзмоқда Александр Троицкий.

19 ёшли Абинур Нуримбет Қозоғистоннинг “Тараз” клуби тарбияланувчиси ҳисобланади. Ўз юртида “Улитау” жамоасида ҳам тўп тепган. Бир неча позицияда ўйнай оладиган ҳужумкор футболчи 2023 йили Беларусь чемпионати вакили “Энергетик-БГУ” жамоаси сафига қўшилди.

2024 йилнинг  мартида Абинур Беларусь олий лигасида иштирок этаётган “Гомель” жамоасига эркин агент мақомида ўтди. Бироқ бир неча кун аввал клуб ёш ўйинчи билан хайрлашадиган бўлди.

Нуримбет Беларусь чемпионатида жами 22 та учрашувда майдонга тушиб, учта гол ва бешта ассист муаллифи бўлган.

ПСЖ футболчиси Файзуллаевни 2-ўринга қўйди

Бразилиялик футболчи Файзуллаевнинг имкониятларига баҳо берди!

Файзуллаевни суперклубга тавсия қилишди

“Реал”га гол урган Яхшибоевни Европа майдонларида кутишяпти

ЦСКА Файзуллаевнинг кетишига рухсат берадими?