Терма жамоамиз гуруҳ босқичида жами нечта гол урди? Кимда нечтадан гол бор?

"CAFA Nation's Cup" турнири гуруҳ босқичи 3-туридан ўрин олган Ўзбекистон - Тожикистон ўйини якунига етди. Унда вакилларимиз йирик 5:1 ҳисобидаги ғалабани қўлга киритди. 

Учрашувда голларга Жасур Яхшибоев, Элдор Шомуродов (пенальти), Аббос Файзуллаев, Хожимат Эркинов ва Остон Ўрунов (пенальти) муаллифлик қилди. Меҳмонларнинг ягона голини Парвиз Умарбоев жарима зарбасидан киритди. 

Гуруҳ босқичида юз фоизлик натижа қайд этган терма жамоамиз голлари гуруҳ босқичида 10 та гол урди ва 1 та гол ўтказиб юборди. Термамиз сардори ва ҳужумчиси Элдор Шомуродов 2 ўйинда иштирок этди ва ўз ҳисобига 3 та гол ёздириб қўйди. Шунингдек, Машарипов ҳисобида иккита гол бор. Остон Ўрунов, Жасур Яхшибоев, Аббосбек Файзуллаев, Ҳожимат Эркинов ва Ҳожиакбар Алижонов каби футболчиларимиз ҳисобда эса биттадан гол мавжуд.