Тезкор! "Барселона" супер ҳужумчи билан келишувга эришди

"Барселона" "Бавария"нинг польшалик ҳужумчиси Роберт Левандовски билан шахсий шартнома шартларини келишиб олди, деб хабар бермоқда журналист Николо Скира ўзининг Тwиттер саҳифасида.

Манбага кўра, томонлар 2025 йилнинг ёзига қадар имзоланадиган шартнома бўйича келишиб олишган. Бироқ “Барселона” энди польшалик тўпурарнинг трансфери масаласида “Бавария” билан келишиб олиши керак. Каталонияликлар ҳужумчи учун 35 миллион евродан ортиқ пул тўлашга тайёр эмас.

33 ёшли Левандовски жорий мавсум “Бавария” сафида барча турнирларда 46 та ўйинда майдонга тушиб, 50 та гол урди ва 7 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.