Тезкор! Грэм Поттер истеъфога чиқарилди

Расман "Челси" бош мураббийи Грэм Поттер қониқарсиз натижалардан кейин ўз ишидан озод қилинди. Клубни вақтинчалик ёрдамчи Бруно Сальтор бошқаради. Ушбу хабар Лондон жамоасининг расмий саҳифасида эълон қилинди. 

"Челси" Поттерга ҳамкорлик учун миннатдорчилик билдиради ва унинг кейинги ишларида омад тилайди," - дейилади баёнотда. 

"Аристократлар" англиялик мураббийни "Брайтон"дан товон пули тўлаб олиб келган эди. Аммо унинг қадами лондонликлар учун фойдага юрмади. Жамоа айни дам Премьер-лигада 11-ўринда бормоқда. 

Миш-мишларга кўра, Нагельсманн, Энрике ва Почеттиньолардан бири "Челси"ни янги бош мураббийи бўлиши мумкин.