Тезкор! Погба янги жамоаси билан келишиб олди!

"Манчестер Юнайтед"нинг франциялик ярим ҳимоячиси Поль Погба "Ювентус" билан шахсий келишувга эришган. Бу ҳақда машҳур "The Sun" нашри хабар берди. 

Манбага кўра, 29 ёшли иқтидор эгаси мавсум якунлангач, МЮни тарк этади ва эркин агент сифатида Турин клуби сафига бориб қўшилади. 

Маълумотларга қараганда, Поль туринликлар сафида йилига 8,5 миллион евро маош олади. Шунингдек, у собиқ жамоаси сафида етакчи ролида бўлиши ва Дибаладан қолган 10-рақамни қўлга киритиши кутилмоқда.   

Эслатиб ўтамиз, Погбага "Ювентус"дан ташқари "Манчестер Сити", ПСЖ ва бошқа гранд клублардан қизиқиш бўлаётган эди.