Тезкор хабар! "Қўқон-1912" Милан Спремо билан шартномани бекор қилди

"Қўқон-1912" жамоасининг сербиялик легионер футболчиси Милан Спремо ўз юртига жўнаб кетди. Бу ҳақда клуб матбуот хизмати хабар бермоқда. 

Манбанинг маълум қилишича, футболчининг соғлигида муаммо юзага келганлиги боис, у ўз ватанида даволанишни ихтиёр қилди. Футболчининг жамоа билан ўртадаги шартномаси ҳар икки томоннинг розилиги билан бекор қилинди.

Спремо қисқа муддат Қўқонда тўп тепган бўлсада мухлисларнинг ёқимтой футболчисига айланиб улгурган эди. Инсон саломатлиги ҳамма нарсадан устун эканлигини ҳисобга олган ҳолда жамоа мураббийлар штаби унинг ўз юртида даволанишига рухсат бердилар.