Тибо Куртуа: "Ла Лига ўйинлари Испанияда ўтказилиши керак"

"Реал Мадрид" дарвозабони Тибо Куртуа "Вильярреал" ва "Барселона" ўртасидаги Ла Лига баҳсини АҚШда ўтказиш режаси бекор қилинганига муносабат билдирди.

"Мен бу қарордан мамнунман. Испания чемпионати ўйинлари мамлакатимизда ўтказилиши керак. Ҳамма буни қўллаб-қувватлаши лозим. Агар сиз Ла Лига дунёдаги энг кучли чемпионат деб ҳисобласангиз, унда ҳеч қаерга боришнинг ҳожати йўқ. Биз ўз стадионларимизни тўлдиришимиз керак", — деди бельгиялик дарвозабон "Marca" нашрига.

Эслатиб ўтамиз, 9-турдан сўнг Ла Лига жадвалида "Реал" 24 очко билан пешқадам. "Барселона" 22 балл билан иккинчи ўринда, "Вильярреал" эса 17 очко билан кучли учликни ёпмоқда.