Тимур Кападзе Олимпиадага бориши кутилаётган юлдуз футболчимиз кимлигини айтди

Ўзбекистон олимпия терма жамоаси бош мураббийи Тимур Кападзе Daryo интернет нашрига берган интервьюсида Париж Олимпиадасига "Рома" ҳужумчиси Элдор Шомуродовни олиб бориши мумкинлиги ҳақидаги саволга жавоб қайтарди.  

"Соғ-саломат бўлса, Элдорнинг Олимпиадада иштирок этиш эҳтимоли катта. Унинг ўзи билан ҳам гаплашдим, у ҳам Олимпиадада қатнашишни хоҳлаяпти. Бундай футболчидан фойдаланиш ҳар бир терма жамоа учун куч беради", - деди Кападзе.

Бундан аввалроқ Элдор Шомуродовнинг ўзи ҳам Париж-2024 Олимпиада ўйинларида иштирок этиш истаги борлигини маълум қилган эди.

Маълумот учун, Ўзбекистон олимпия терма жамоаси мусобақанинг “C” гуруҳида Испания, Миср ва Доминикан терма жамоаларига қарши баҳс олиб боради.