"Tokio-2020" boks musobaqalarini umumjamoa hisobida nechanchi o‘rin bilan yakunladik? (foto)
Bugun Olimpiya o‘yinlarining so‘nggi kunida boks bo‘yicha +91 kg vaznda ham final jangi o‘tkazildi. Unda hamyurtimiz Bahodir Jalolov biz uchun yagona bo‘lgan oltin medalni taqdim etdi. Musobalarning umumjamoa (ayollar va erkaklar) hisobiga nazar soladigan bo‘lsak, Kuba vakillari 4 oltin va 1 bronza medali bilan 1-o‘rinda, Britaniya bokschilari 2 oltin 2 kumush va shuncha bronza medali bilan 2-o‘ringa joylashgan bo‘lsa, Rossiya Olimpiya bayrog‘i ostida harakat qilgan charm qo‘lqop ustalari 1 oltin 1 kumush va 4 bronza medal bilan kuchli uchlikni yakunlab bergan. O‘zbekiston jamoasi esa 1 oltin medal bilan 8-pog‘onani band etgan.
Faqat erkaklar o‘rtasidagi bahslar bo‘yicha hisoblasak, kuchli beshlik quyidagicha bo‘ladi:
1. Kuba - 4 oltin 1 bronza.
2. Britaniya - 1 oltin 2 kumush 1 bronza.
3. Rossiya Olimpiya qo‘mitasi - 1 oltin 1 kumush 3 bronza.
4. Braziliya - 1 oltin 1 bronza.
5. O‘zbekiston - 1 oltin.
Quyida to‘liq jadval bilan tanishing:
Fikrlar
Ҳақли савол туғулади-айб кимда???
Жавоби оддий айб ўзимизда, яна кимлар учундир ҳакамларда...
Айб энг аввало ўзимизда шуниси энг ёмони. Лицензияга лойиқлар қолиб кетиб, чемпионлар қолиб кетиб, натижа келтириши аниқ боксчилар қолиб кетиб... ҳаттоки чемпион бўлмаган 3-4-5 даражалилар олиб кетилди. Бунинг сабаби бизга қоронғу... Балким Танишимнинг таниши. Корупцион ҳаракатлар учун шу кўйга, натижага тушдик. Йтакчилик байроғини осонгина топширдик. Тўғри қайсидир нуқталарда ЖчЧемпиони боксчимизни ҳакамлар адолатсизлиги туфайли чиқариб юборгандир. Лекин қолганлари бир бош устун бўла олмадида ҳудди Баходир Жалоловга ўҳшаб. Шундай бўладида улардан кучлилар Ўзб. Чемпионлари ва муносиблар Риодаги собиқлар қолиб кетишгач. Бизда жумбоқ ва саволлар кўп. Жавоб олиш албатта ақилли журналистларнинг иши. Нима бўлганда ҳам жавобларни кутиб қоламиз. Келишса ватан олдида, мухлислар олдида жавоб беришар бирма-бир деб умид қилиб қоламиз.