Тони Кроос Ламин Ямални дунёдаги энг иқтидорли футболчи деб атади

"Реал"нинг собиқ ярим ҳимоячиси Тони Кроос "Барселона" вингери Ламин Ямал ҳақида фикр билдирди.

Германиялик мутахассиснинг фикрига кўра, ҳозирги кунда дунёдаги энг иқтидорли футболчи айнан Ямалдир. "Ламин Ямал – ҳозирги кунда жаҳон футболининг энг катта иқтидори", – деди Кроос "The Touchline" нашрига.

Ямал ҳали 18 ёш бўлса-да, у "Барселона" биринчи жамоаси сафида 147 та расмий ўйинда майдонга тушган. Ушбу учрашувларда Ламин 46 та гол урди ва 50 та голли узатма берди.

Ҳозирда каталонияликлар Испания чемпионати жадвалида пешқадам. 2-ўриндаги "Реал"дан 7 очкога ортда қолмоқда. Май ойида жамоалар ўртасида "Эл-класико" бўлиб ўтади.