Топ-5 чемпионатларда Ямалга тенг келадигани топилмаяпти

"Барселона" ҳужумчиси Ламин Ямал топ-5 чемпионатларда энг кўп муваффақиятли дриблинг амалга оширган футболчи бўлди.

18 ёшли футболчи ўтган мавсумда бўлгани каби мунтазам равишда рақибларини яккама-якка ҳолатлар алдаб ўтмоқда. Ямалнинг ҳисобида Ла Лиганинг атиги учта туридан кейин 18 та муваффақиятли алдаб ўтиш бор - бу Европанинг бешта етакчи чемпионатидаги энг яхши кўрсаткич. Иккинчи поғонани Билбаонинг "Атлетик" клуби аъзоси Нико Уильямс (16), учинчи ўринни "Тулуза" аъзоси Янн Гбо (13) эгаллаган. Кейинги ўринларда Янкуба Минте ("Брайтон", 11) ва Килиан Мбаппе ("Реал", 10).

Ламин Ямалнинг ҳисобида нафақат кўплаб муваффақиятли дриблинг уринишлари, балки иккита гол ва иккита самарали узатма ҳам бор.