“Топ-5” лигада бу кўрсаткич бўйича Абдуқодир Ҳусановга тенг келадигани йўқ

Миллий терма жамоамиз аъзоси Абдуқодир Ҳусанов "топ-5" лигада ўйинчилардан тўпни олиш қўйиш бўйича етакчилик қилмоқда. 
 
Гап шундаки, “Whoscored” порталининг маҳлумотларига кўра, Абдуқодир кучли бешлик чемпионатлари орасида 21 ёшгача бўлган футболчилар ичида ҳужумларни тўхтатиб, рақибдан тўпни олиб қўйиш бўйича етакчи ҳисобланади. 20 ёшли ҳимоячимиз бу мавсум рақиб жамоа футболчиларидан 26 марта тўпни қайтариб олиб, ҳужумларни тўхтатишга муваффақ бўлган. 
 
Хабарингиз бор, Ҳусанов Англиянинг “Манчестер Сити” клуби билан деярли келишувга эришди. Фақатгина клуб мазкур трансферни эълон қилиши қолди холос. Маълум бўлишича, ҳамюртимиз манчестерликлар билан тўрт ярим йиллик шартномага имзо чеккан. 

Маълумот ўрнида, Хосеп Гвардиола бошчилигидаги “шаҳарликлар” “Бунёдкор”нинг собиқ футболчиси учун "Ланс"га 50 миллион евро атрофидаги суммани тўламоқда.