Тошкент кикбоксинг бўйича нуфузли халқаро турнирга мезбонлик қилади

Жорий йилнинг 15-21 июнь кунлари Тошкент шаҳри кикбоксинг бўйича улкан турнирга мезбонлик қилади. Ўзбекистон кикбоксинг ассоциацияси раиси Ойбек Нарметовнинг сайтимизга маълум қилишича, пойтахтимизда жойлашган муҳташам “Ўзбекистон” спорт аренаси “Ўзбекистон Опен” халқаро турнирига мезбонлик қилади.

Мазкур халқаро мусобақа нуфуз жиҳатидан  марказий Осиёда илк бора ўтказилади. Шунингдек, ушбу турнирга WAKO оиласига кирувчи мамлакатлардан жуда кўп иштирокчилар ҳамда нуфузли мехмонлар келиши кутилмоқда.

Бир сўз билан айтганда ушбу турнир ўзбек кикбоксингини яна юқори салоҳиятга эга эканлиги ҳамда янада нуфузли бўлган жаҳон ва қитъа чемпионатларининг ўтказишга қодир эканлигини намойиш этади.

Матнда хатолик топсангиз, ўша хатони белгилаб, бизга жўнатинг (Ctrl + Enter)