Тошкентдаги бокс оқшомининг иккинчи марказий жангида WBC Asia камари соҳиби жанг қилди

Пойтахтимизда давом этаётган профессионал бокс оқшомининг иккинчи марказий жанги ҳам ўз якунига етди. 

Унда 79.4 кг вазн тоифасида WBC Asia камари сохиби, ҳамюртимиз Абдуҳамид Ҳакимов яна бир юртдошимиз Алишер Ҳабибуллаевга қарши рейтинг жангида рингга кўтарилди. 

10 раунддан иборат ушбу тўқнашув жуда қизиқарли ва кескин тарзда бошланди. Ҳар иккиси ажойиб тарзда жанг олиб бораётган эди. Бироқ иккинчи раунд якунланиб бораётган бир паллада Ҳабибуллаев елкасидан жиддий жароҳат олди ва жангни давом эттира олмади. 

Шу тарзда WBC Asia камари сохиби Абдуҳамид Ҳакимов техник нокаут билан ғалаба қозонди. 

Олдинда бизни марказий жанг кутиб турибди. Кузатишда давом этинг!