Тошкентдаги бокс оқшомининг тўртинчи жанги ҳам муддатидан аввал якунланди

Тошкент мезбонлигидаги профессионал бокс кечаси давом этмоқда. Ҳозирга келиб учта жанг якунланди. Жанг кечасидан ўрин олган 4-жанг 66.7 кг вазн тоифасида бўлиб ўтди.

6 раундлик ушбу тўқнашувда ҳамюртимиз Элдор Саидов яна бир юртдошимиз Шерзод Мамажоновга қарши рингга кўтарилди. Маълумки, Элдор Саидов ўз вақтида Жанубий Кореянинг "Cocky Buffalo" промоутерлик клуби билан ҳамкорлик қилган ва жиддий жангларда ҳам иштирок этганди.

Тажрибали Шерзод Мамажонов биринчи раундда ёмон таассурот қолдирмади. Бироқ, ёш барибир ўз таъсирини кўрсатди. Рақибидан анчагина ёш бўлган Саидовнинг иккинчи раунддаги бир нечта аниқ зарбаларидан сўнг, Мамажонов учинчи раундга чиқишдан бош тортди ва шу тариқа Элдор Саидов ғалаба қозонди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар