“Тоттенхэм” Англия чемпиони бўлади

Лондон клуби ҳужумчиси Ҳарри Кейн мавсум охирида “Тоттенхэм” бош совринга эга чиқишини таъкидламоқда.

- Агар жамоамизнинг курашувчанлик қобилиятига қарасангиз, бош совринни қўлга киритишга кучимиз етишини кўрасиз. Биз аввал ҳам бунга яқин бўлганмиз, лекин омадимиз келмаган. Бу мавсумда бошқалардан сезиларли даражада илгарилаб кетадиган жамоа бўлмайди. Таркибимизда Гарет Бэйл, Жо Харт сингари тажрибали етакчиларнинг борлиги ҳам ютуғимиз, - дейди Ҳарри Кейн.

Айни пайтда Жозе Моуриньо шогирдлари юқори ўринларда бормоқда. Бош мураббий клуб раҳбариятига “Тоттенхэм”ни Чемпионлар лигаси йўлланмаси учун курашишига ишонтирган. Бунинг учун клуб хўжайинлари Моуриньони трансферлар билан қўллаб-қувватлаши керак бўлади.