"Тоттенхэм" ҳужумчиси "Локомотив"га кўчиб ўтиши мумкин

"Тоттенхэм" клуби форварди Винсент Янссен фаолиятини Россияда давом эттириши мумкин.

Маълумотларга қараганда 24 ёшли голландиялик футболчига Москванинг "Локомотив" клуби жиддий қизиқиб қолган.

Эслатиб ўтамиз, Янссен жорий мавсум жароҳатлар сабаб АПЛда бор йўғи 3та ўйинда иштирок этди холос. “Локомотив” эса чемпионатда кумуш медалларни қўлга киритди ва янги мавсумда ЕЧЛда иштирок этиш йўлланмасини қўлга киритди.