“Тоттенхэм” Кейннинг ёнига яна бир суперҳужумчи олиб келмоқчи

“Тоттенхэм” раҳбарияти асосий тўпурар Ҳарри Кейнни “Манчестер Сити”га қўйиб юбормаяпти. Клуб президенти Даниэл Леви ҳужум чизиғини янада кучайтириш мақсадида “Интер”дан Лаутаро Мартинесни олиб келишга қарор қилди.

Даниэл Леви аргентиналик ҳужумчи учун Италия чемпионига 77 миллион фунт таклиф қилишни режалаштирмоқда. Шу тариқа, лондонликлар Лаутаро билан таркибни кучайтиради, Ҳарри Кейн кетиб қолган тақдирда ҳам жамоа юқори савияли ҳужумчисиз қолмайди.

“Интер” хўжайинлари агар уларга маъқул нарх таклиф қилинадиган бўлса, Лаутарони қўйиб юбориши мумкинлигини маълум қилган. Агар аргентиналик футболчи қолишни истаса, қўлида имзоланиши керак бўлган беш йиллик битим турибди.