"Тоттенхэм" ва "Ювентус" "Рома" футболчисига қизиқмоқда

"Тоттенхэм" ва "Ювентус" жамоалари "Рома" футболчиси Николо Дзаньолони кузатмоқда. Жамоалар футболчини ёзги трансферлар ойнасида қўлга киритишни мақсад қилган. 

Маълум бўлишича, 22 ёшли футболчининг "бўрилар" билан амалдаги шартномаси 2024 йилда якунига етади. Айни дамда италиялик иқтидор ва Рим клуби шартномани узайтириш борасида келиша олмаяпти.

Бу эса уни сотиб олмоқчи бўлган клублар учун айни муддао. Шунингдек, "Рома" директори ҳам ўйинчининг келаси йил жамоада қолиши кафолатланмаганини маълум қилди.

Статистикага кўра, Николо Дзаньоло жорий мавсум А Сериянинг 19 ўйинида ўз ҳисобига 2 гол ва 2 ассист ёзиб қўйган.