“Тоттенхэм”нинг собиқ футболчиси Жермейн Женас жамоа бош мураббийи Жозе Моуриньо ва машҳур футболчи Деле Алли ўртасидаги можарога ечим йўқлигини таъкидлади.

- Уларнинг ярашиб кетишига ишонмайман. Уларнинг йўли айрилган. Жозе нимаики қилса, шов-шув ва эътибор учун қилади. Бунгача ҳамма мураббийлар Аллини яхши кўрарди.  Моуриньо келганидан буён у спорт формасини йўқотди. Ҳозир Алли клубдан кетиши ҳақида ўйлаши керак. Чунки у Англия терма жамоаси сафида Европа чемпионатида тўп суришни истамоқда. Бунинг учун майдонда ишончли ўйнаб, голлар уриш керак. Моуриньонинг “Тоттенхэм”ида бу энди имконсиз, - деди Жермейн Женас.

Жозе Моуриньо борган жамоасида юлдуз футболчилар билан жанжаллашиши одатий ҳолга айланган. Аввалига “Тоттенхэм”нинг энг қиммат футболчиси Танги Ндомбеле билан келиша олмай қолган португалиялик мутахассис энди Деле Аллини чиқиштирмаяпти.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар