Трамп АҚШ футболчиси дисквалификацияси тўхтатгани учун ФИФАга миннатдорлик билдирди

АҚШ президенти Дональд Трамп Халқаро футбол федерацияси (ФИФА)га АҚШ терма жамоаси ҳужумчиси Фоларин Балогунга қўйилган дисквалификацияни тўхтатиб, унга жаҳон чемпионати 1/8 финалида Белгияга қарши ўйинда майдонга тушиш имконини бергани учун миннатдорлик билдирди.

"Катта ноадолатликни тўғрилаб, адолатли қарор қабул қилгани учун ФИФАга раҳмат", — деб ёзди у Truth Social ижтимоий тармоғида.

Бундан олдин ушбу масала бўйича қарорни ФИФА интизом қўмитаси қабул қилган эди. Балогун 1/16 финалда Босния ва Герцеговина терма жамоасига қарши ўйинда (2:0) Тарик Мухаремовичга нисбатан қўпол ўйин қўллагани учун майдондан четлатилганди. Америкалик ҳужумчи рақибини орқадан оёғига шипли бутсаси билан тепиб юборган. Қоидаларга кўра, у навбатдаги — 1/8 финал учрашувини ўтказиб юбориши керак эди. АҚШ ва Бельгия терма жамоалари ўртасидаги баҳс Тошкент вақти билан 7 июль 02:00да бўлиб ўтади.