Трансфер ойнаси якунланди. Топ-5 лига клублари янги харидлар учун қанча сарфлаганини биласизми?

Кеча кучли бешлик чемпионатларида трансфер ойнаси якунланди. Шу боис, бугун мазкур лигаларнинг қайсилари харидлар учун кўп пул сарфлагани борасида маълумот берамиз.

Англия Премьер лигаси клублари ёзги трансфер ойнасида жами 2,172 миллиард евро (1,9 миллиард фунт) сарфлашди. Бу топ-лигалар орасидаги энг юқори кўрсаткич, деб хабар беради “AS”.

А Серия 2-ўринда. Италия клублари ўз таркибини кучайтириш учун 749 млн евро сарфлаган. Кучли учликни Лига 1 якунлаб турибди.Франция жамоалари трансферлар учун 543 миллион евродан воз кечган.

Кейинги ўринларни эса Ла Лига (490,61 миллион евро) ва Бундеслига (484 миллион евро) банд этган.