Царукяннинг навбатдаги жанги тафсилотлари маълум қилинди

Енгил вазн тоифаси (66-70 кг) UFC жангчиси Арман Царукян кейинги жангини Бенеил Дариушга қарши ўтказади.

Бу ҳақда "MMA Mania" журналисти Алекс Бехунин хабар бермоқда. Тўқнашув 3 декабрга ўтар кечаси Техаснинг Остин шаҳрида бўлиб ўтадиган UFC Fight Night турнирининг асосий кардида ўтказилади.

Эслатиб ўтамиз, Царукян (20-3) охирги жангини 2023 йилнинг июнь ойида ўтказиб, Хокаим Сильвани (12-4) нокаутга учратган эди.

Дариуш (22-5-1) худди шу ойдаги турнирда Чарльз Оливейрага (34-9-1) нокаут эвазига ютқазганди.