Туркия клуби Зидан билан музокаралар бошлади

"Фенербахче" Мадриднинг "Реал" клуби собиқ бош мураббийи Зинедин Зидан билан дастлабки келишувга эришди. Бу ҳақда Sabah Spor X ижтимоий тармоғидаги саҳифасида маълум қилди.

Манбага кўра, франциялик мутахассис маош ва шартнома тафсилотлари бўйича музокаралар якунлангач, Туркияга келади.

"Фенербахче"нинг сўнгги мураббийи август ойи охирида истеъфога чиқарилган Жозе Моуриньо эди.

Зидан "Реал"ни 2016-2018 ва 2019-2021 йилларда бошқарган. Бу даврда "Қироллик клуби" уч марта Чемпионлар лигасида ғолиб чиқди, икки марта Испания чемпиони бўлди ва икки марта Испания Суперкубогини қўлга киритди.