Туркиядаги профессионал муайтай кечасида икки нафар ҳамюртимиз ғалаба қозонди

Кеча Туркиянинг Бодрум шаҳрида "Pitbull" промоушени томонидан профессионал муайтай кечаси ўтказилди.

Хабар берганимиздек, ушбу жанг оқшомида уч нафар Ўзбекистон вакили ўз жангларини ўтказди. Жумладан, Наимжон Тўхтабоев сербиялик Милош Янковични яққол устунлик билан мағлуб этган бўлса, Бобур Тагиев испаниялик Алекс Фернандесни нокаутга учратди.  

Яна бир вакилимиз Мавлуд Тифиев эса, мезбонлар вакили Кубилай Тарханга очколар ҳисобида имкониятни бой бериб қўйди.