"Турон" 19 декабрдан машғулотларни бошлайди
Sports.uz сайти орқали Суперлига иштирокчиларининг янги мавсум учун тайёргарлик режаларини тақдим этиб бормоқдамиз.
Яқинда “Турон” бош мураббийи Бахтиёр Ашурматов бу борада бизга маълумот бериб ўтганди ва клубни тарк этганлар ҳақида қўшимча қилганини билсангиз керак. Ўз навбатида “Турон” матбуот хизмати жамоани уч нафар легионер тарк этганини тасдиқлади. Шу билан бирга янги мавсум учун тайёргарлик бўйича ҳам хабар берди ва бу орқали кўриш мумкинки, биз берган маълумот тўғри бўлиб чиқди.
“Хабарингиз бор, Бахтиёр Ашурматов бош мураббийлигидаги асосий таркиб жамоамиз вакилларига Тошкентнинг "Локомотив" клубига қарши кечган Coca-Cola Суперлигага ўтиш ўйинидан сўнг бир оз муддатлик қишки таътил берилганди.
Клубимиз мураббийлар штаби томонидан ишлаб чиқилган тайёргарлик режасига кўра, жамоамизнинг навбатдаги йиғини 19 декабрь куни Яйпан шаҳрида бошланади. Шу санадан бошлаб клубимиз қароргоҳига йиғилган футболчилар билан жисмоний тайёргарликни тиклаш машғулотларига киришилади.
Жамоамиз мураббийлар штабида қиш мавсумида ташкил этиладиган йиғинлар мобайнида бир қатор янги футболчиларни кўрикдан ўтказиш режаси мавжуд”, - дейилади хабарда.
Фикрлар