Тухел Балогуннинг дисквалификациясини бекор қилгани учун ФИФАни танқид қилди

Англия терма жамоаси бош мураббийи Томас Тухел ФИФАнинг қарорига шубҳа билан қаради. Унинг фикрича, АҚШ терма жамоаси ҳужумчиси Фоларин Балогуннинг 2026 йилги жаҳон чемпионати 1/8 финалида Белгияга қарши ўйинда майдонга тушишига рухсат бериш – ташкилот томонидан қилинган хатодир.

«Мен бир саволни қўймоқчиман: бунинг боши қаерда, охири қаерда? Энди биз ҳам Жаррелл Куансани майдондан четлатиш жазосини бекор қила оламизми ёки йўқми? Чегара қаерда ўтказилади – мана асосий масала. Ва менинг бу саволга жавобим йўқ», – дея Тухелнинг сўзларини BBC Sport келтиради.

Эслатиб ўтамиз, Фоларин Балогун АҚШ – Босния ўртасидаги 1/16 финал учрашувида қизил карточка олган эди ва қоидаларга кўра, 1/8 финалда Белгияга қарши ўйинни ўтказиб юбориши керак эди. Бироқ ФИФА унга маъмурий афв бериб, қизил карточка учун дисквалификацияни бир йилга кечиктириш ҳақида қарор қабул қилди.

Англия терма жамоаси ҳимоячиси Жаррелл Куанса эса Мексикага қарши ўйинда майдондан четлатилган эди. Чорак финалда Томас Тухел шогирдлари Норвегия терма жамоасига қарши баҳс олиб боради.