Тухель: Ҳайдашди, қўлимдан ҳеч нарса келмади!

“Челси”дан истеъфога чиқарилган Томас Тухель тез орада мураббийлик фаолиятига қайтишга шошилмаяпти.

Германиялик мутахассис режалари билан ўртоқлашди.

- Менга “Челси”да ишлаш ёқаётган эди, ҳар бир кундан мароқ олардим. Афсуску, бу жуда эрта якунланди.

Истеъфога чиқаришди ва мен ҳеч нарса қила олмадим. Мураббий бўлиб ишлар экансиз бунақа ҳолатларга тайёр туриш керак.

Ҳали келажагим ҳақида аниқ бир қарорга кела олганим йўқ. Бир неча клублар менежерим билан боғланган. Лекин мен унга яқин орада музокара бошламай туришини тайинладим, - деди Томас Тухель.

“Аристократлар” германиялик мутахассис қўл остида Чемпионлар лигасида бош совринни қўлга киритган эди.