Тухель Лукакуга қандай маслаҳат берди?

"Челси" бош мураббийи Томас Тухель ўтган ёзда "Интер"дан 115 миллион еврога сотиб олинган жамоа ҳужумчиси Ромелу Лукакуга маслаҳат берди.

"Ромелу айнан Тимо қилаётган ишни қилиши керак: кутиши, сабр қилиши, қаттиқ меҳнат қилиши, жамоа манфаатларини биринчи ўринга қўйиши, жамоага ёрдам беришга тайёр бўлиши, чунки ҳужумчи сониялар ичида ҳаммасини ҳал қила олади.

Ҳозир Тимо ўзини таркибдан олиб ташлашларини қийинлаштирмоқда. Мен қойил қолдим, у охирги икки ўйинда жуда яхши ўйнади. Бу икки ўйинда у бошқалардан кўра анча устун эди ва нимага қодирлигини кўрсатди.

Ҳамма асосий таркибни биз мураббийлар аниқлаймиз деб ўйлайди. Лекин якунда, машғулотлар ва ўйинларда майдонга тушиб, уларни четда қолдирмасликка ишонч ҳосил қиладиган футболчилар майдонга туширилади”, - деди германиялик мутахассис.