Тухель "Реал" футболчисини жамоага олиб келмоқчи

"Челси" бош мураббийи Томас Тухель раҳбариятга ёзги трансфер режаларини маълум қилди. Унга кўра, мутахассис савияли марказий ҳимоячи билан шартнома имзолаши кераклигини айтган. 

Мураббий айни пайтда "Реал Мадрид" ҳимоячиси Эдер Милитаони жамоа учун муносиб номзод, деб ҳисобламоқда. Унинг кам маош олиши ҳам германиялик мутахассисга маъқул келган.

Эслатиб ўтамиз, ёзда "аристократлар" ҳимоячилари Антонио Рюдигер ва Андреас Кристенсен эркин агентга айланади. Шу боис, Лондон клуби уларга ўринбосар қидирмоқда.

Маълумот ўрнида, Эдер Милитао жорий мавсум Ла Лигадаги 21 баҳсда 1 гол ва 1 ассистни ўз ҳисобига ёзиб қўйган.