Тухелга керак бўлмаган ҳужумчи "Челси"дан кетади

Лондоннинг "Челси" клуби ҳужумчиси Миши Батшуайи жорий ёзги трансфер ойнаси ёпилгунича жамоасини ўзгартиради.

Италиялик журналист-инсайдер Николо Скиранинг маълум қилишича, 27 ёшли бельгиялик футболчи "аристократлар" устози Томас Тухелга керак эмас.

Хабарларга қараганда, Батшуайига "Бешиктош"дан жиддий қизиқиш мавжуд. Шу сабабли у фаолиятини Туркия чемпионатида давом эттириш эҳтимоли юқори.

Батшуайи ўтган мавсум "Челси" сафида жами 20 та ўйинда майдонга тушди ва 2 та гол ҳамда 2 та голли узатмага муаллифлик қилди.

Мишининг “Челси” билан амалдаги шартномаси 2022 йилнинг ёзигача амал қилади. Унинг айни дамдаги трансфер нархи 10 миллион еврога баҳоланмоқда.