Тухелнинг кетишига сабаб бўлган Роналду ҳақидаги гапи ошкор бўлди

“Челси”ни муваффақиятли бошқариб келган германиялик мутахассис Томас Тухелнинг истеъфога чиқарилгани кутилмаган қарор сифатида баҳоланмоқда.

Манбалар “Челси”нинг янги хўжайини Тодд Бёлининг бу қарорга келишига Тухелнинг жамоага Криштиану Роналду олиб келинишига қатъий қаршилик қилган сабаблардан бири сифатида кўрсатиляпти.

Маълумки,   Тодд Бёли Роналдуни “Челси”га чақирган, лекин Тухель ўтган  мавсумда “Манчестер Юнайтед”ни бошқарган ҳамюрти Ральф Рангник билан маслаҳатлашганидан кейин португалиялик юлдузни жамоасига яқинлашишини истамаган эди.

Bild нашри журналисти Кристиан Фальк “Челси” хўжайини Тодд Бёлига Томас Тухель Роналду ҳақида нима деганини аниқлади. Унга кўра, германиялик мураббий “Роналду келса, жамоавий руҳни йўқ қилади” деб, катта трансферга қаршилик қилган экан.