"У ҳақиқатан ҳам жуда зўр". Клоппни қойил қолдирган футболчи ким?

"Ливерпуль" клуби бош мураббийи Юрген Клопп Чемпионлар лигасининг 1/4 финали доирасидан ўрин олган "Бенфика"га қарши ўйиндан сўнг, лиссабонликларнинг уругвайлик ҳужумчиси Дарвин Нуньес ҳақида фикр билдирди.

"У жуда яхши йигит, шундай эмасми? У ҳақиқатан ҳам жуда зўр. У менинг кўз ўнгимда ўйнади ва Конате билан жанг қилди. Агар у соғ бўлиб турса, олдинда уни катта марралар кутмоқда", - деди германиялик мутахассис.

Нуньес жорий мавсум Португалия чемпионатида 24 та ўйинда майдонга тушиб, 24 та гол урди ва 3 та голга ассистентлик қилди.