У кетмайди!

“Манчестер Сити” бош мураббийи Хосеп Гвардиола жамоа етакчиси Кевин де Брюйне янги шартнома бўйича биринчи таклифни рад этганига муносабат билдирди.

- Мен унинг жамоада қолишига аминман. Лекин мен музокара жараёни қандай кечаётганини билмайман. Спорт  директори билан бу борада гаплашганим йўқ. У Кевин бизга қай даражада керак эканини яхши билади. Шунинг учун ҳам мен хотиржамман, - деди Гвардиола.

Кевин де Брюйненинг жамоа билан шартномаси 2023 йилнинг ёзигача давом этади.  29 ёшли футболчи жорий мавсумда Англия премьер-лигасида 14 та учрашувда майдонга тушиб, учта гол урди ва саккизта голли пас оширди.

Матнда хатолик топсангиз, ўша хатони белгилаб, бизга жўнатинг (Ctrl + Enter)