U yana zo‘rligini isbotlashi shart

“Chelsi”da o‘z o‘rnini boy berib qo‘ygan dunyoning eng qimmat darvozaboni – Kepa Arrisabalaga o‘z yurtiga qaytib ketishga yaqin turibdi.

Ispaniyalik posbonga “Sevilya” jiddiy qiziqish bildirmoqda. Andalusiyaliklar qishki transferlar mavsumida Kepani ijaraga olmoqchi. Ular shartnomaga darvozabonni keyinchalik sotib olish huquqini belgilovchi bandni ham kiritishni rejalashtiryapti.

“Sevilya” rahbariyati Kepa Arrisabalaga o‘z yurtida o‘ynasa, o‘ziga bo‘lgan ishonchi ortib, yana avvalgi darajasiga ko‘tarila olishiga ishonmoqda.