Учинчи бор “Реал”га қайтмайман!

“Реал” раҳбарияти бош мураббий Карло Анчелотти ўрнига бошқа мутахассис қидираётгани ҳақидаги хабарлар тобора кўпайиб бормоқда.

Мадридга келиши кутилаётган мураббийлар орасида ишсиз юрган Зинедин Зидан номи ҳам зикр этилмоқда. Франциялик мутахассис бунгача жамоани икки маротаба муваффақиятли бошқарган. Унинг қўл остида “Реал” уч маротаба Чемпионлар лигасида ғолиб чиққан.

Бироқ, Зинедин Зидан “Реал”га учинчи маротаба қайтиш нияти йўқлигини маълум қилди. Бу ҳақида RMC Sport нашри хабар тарқатди.

Айрим манбаларнинг таъкидлашича, Зинедин Зидан “Ювентус”ни бошқаришга қизиқаётган экан. Франциялик мутахассис футболчилик даврида худди “Реал”да бўлгани каби “Ювентус”да ҳам қатор совринларни қўлга киритган.