UEFA Evro-2020 chiptalari uchun rekord darajada ariza oldi

UEFA o‘zining rasmiy saytida Evro-2020 o‘yinlari chiptalari uchun rekord darajada ariza olganini ma’lum qildi.

Unga ko‘ra tashkilotga qit’a chempionati uchun jami 28,3 mln odamdan ariza kelib tushgan. Ta’kidlash kerakki, bu Evro-2016 dan ikki barobarga ko‘p deganidir. Biroq, chiptalarga faqatgina 2,5 million ishqiboz ega bo‘lishi mumkin.

Eslatib o‘tamiz, bu safargi Evropa chempionati musobaqaning 60 yillik yubileyi munosabati bilan qit’aning 12 ta shahrida o‘tkaziladi.