Уэйн Руни Англия чемпионати қолдирилгани борасида нималар деди?

"Дерби Каунти" форварди Уэйн Руни коронавирус касаллиги кенг тарқалгани учун Англия чемпионати қолдирилгани борасида ўз фикрларини бидириб ўтди.

"Охири тўғри қарорни қабул қилишди. Ҳа, Англияда тажрибали инсонлар ишлашади.

Бошқа мамлакатларда нафақат футбол, балки бошқа спорт турлари масалан, теннис, Формула-1, регби ва гольф мусобақалари қолдирилди. Бизда эса ҳамон давом этаётганди.

Биз мавсумни тўхтатишимиз керак эди. Баъзи одамларга бу ёқмайди, аммо бу ҳолатда, футбол иккинчи ўринда туради. Бу шунчаки спорт.

Агар инсонлар ҳаёти хавф остида бўлса, чемпионатдаги мавқеингиздан қатъий назар, биринчи ўринда соғлиқ туриши керак. Агарда биз хавфсиз вазиятда бўлсак, мавсум сўнггигача ўйнашдан хурсанд бўлар эдик.

2022 йилги жаҳон чемпионати ноябрь ва декабрь ойларида бўлишини инобатга олган ҳолда, 2019/20 йилги мавсумни якунлаб, кейинги икки мавсумни қишда бошлаш керак ва шунда ЖЧда ҳам муаммо бўлмайди," - деди Руни.