UFC жангчисининг фикри ўзгарди. У яна жанг қилмоқчи!

 Енгил вазн тоифасида собиқ UFC чемпионлигига давогар Кевин Ли ММА га қайтишини эълон қилди.

“Мен нафақадан қайтаман. Мен ММА да яна жанг қилмоқчиман. Қаерда, қачон ва ким билан эканлигини ҳали билмайман, лекин мен аллақачон машқ қилишни ва вазн йўқотишни бошладим. Ҳозир мен формага киришга тўлиқ эътибор қаратганман. Кетганимдан олти ой ўтди ва мен жангларни жуда соғиндим”, – деб ёзади америкалик ўзининг X саҳифасида.

Эслатиб ўтамиз, Ли ўтган йилнинг июль ойида Ринат Фахретдиновдан учралган мағлубиятдан сўнг кутилмаганда спортдаги фаолиятини якунлаганини эълон қилган эди. 31 ёшли америкалик жангчи ММА даги фаолияти давомида 19 ғалаба ва 8 мағлубиятга учраган.