UFC. Саидёқуб Қаҳрамонов Адашев билан бир оқшомда жанг қилади

Ўзбекистонлик UFC жангчиси Саидёқуб Қаҳрамоновнинг (9-2) навбатдаги жанг санаси ва рақиби маълум бўлди. Ҳамюртимизнинг жаҳоннинг энг нуфузли промоушенидаги 2-жанги 2022 йилнинг 16 январь куни бўлиб ўтади. 

АҚШнинг Лас-Вегас шаҳрида ташкил қилинувчи UFC Fight Night турнирида юртдошимизга мезбонлар вакили Брайан Келлехер (23-12) рақиблик қилади. 

Маълумот учун, ўта енгил вазн (61.2 кг) тоифасида фаолият юритаётган Қаҳрамонов UFCдаги дебютини 21 август куни Тревин Жонсга қарши ўтказиб, "гильотина" услуби билан рақибини мағлуб этганди. 

Эслатиб ўтамиз, ушбу оқшомда яна бир ҳамюртимиз Зарруҳ Адашев Клейдсон Родригесга қарши ўз жанггини ўтказади.