UFC Хабиб Нурмагомедовнинг Конор билан жанг мобайнида суҳбатлашган видеосини тақдим этди

UFC матбуот хизмати Instagram тармоғи орқали россиялик жангчи Хабиб Нурмагомедовнинг жанглар давомида рақиблари билан суҳбатлашган видеолавҳани тақдим этди.

Instagram постидаги биринчи қисмда 2016 йилги Майкл Жонсонга қарши жангдаги ҳолат ва раундлар оралиғида Нурмагомедов  Дана Уайт билан суҳбатлашишга уринаётган жараён ҳавола этилган.

Навбатдагиси эса, UFC 229 турнирида ирландиялик Конор МакГрегорга қарши жанг мобайнида Нурмагомедов зарба бериш орқали рақибдан у нима учун жанг пайтида матбуот анжуманларидаги каби гаплаша олмаслигини аниқлашга ҳаракат қилмоқда.