Улар яна Германия терма жамоасига қайтиши мумкин

Германия терма жамоаси бош мураббийи Йоахим Лёв терма жамоага Томас Мюллер, Жером Боатенг ва Матс Хуммельснинг қайтиши мумкинлигини айтган. Бу ҳақда sport1.de хабар тарқатмоқда.

Лёвнинг Германия футбол иттифоқи раҳбарияти билан учрашуви давомида ушбу масала ҳам кўтарилган. Мутахассис таркибдаги футболчиларнинг тез-тез жароҳат олаётгани сабаб юқорида номлари тилга олинган футболчиларни яна жамоага қайтаришга тайёрлигини билдирган.

Мюллер, Боатенг ва Хуммельс сўнгги бор Германия терма жамоаси сафида 2018 йилнинг кузида майдонга тушган.