Ular “Yuve”ni kuchaytira oladi

Turin superklubi jamoani kuchaytirishi mumkin bo‘lgan futbolchilar ro‘yxatini shakllantirmoqda.

Ma’lumotlarga qaraganda, “Yuventus” mutasaddilari Frantsiya chempionatidan kamida uchta o‘yinchini kuzatmoqda va kelasi transfer oynasi vaqtida ularni olishga harakat qiladi.

Italiya grandidan taklif olishi kutilayotganlar orasida “Lion” vakillari – Ussem Auar va Rayan Sharki, “Monako” markaziy himoyachisi Benua Badiashilening nomi zikr etilyapti.

“Yuventus” rahbariyati jamoani yashartirib, yaqin bir necha yil ichida chempionlik va Evropa Chempionlar ligasi bosh sovrini uchun kurashishga qodir tarkibni shakllashtirish yo‘lidan bormoqda.