Уларга ёрдам берамиз! - "Бетис" "Барселона"нинг икки ҳужумчисини кузатмоқда

"Бетис" Ансу Фати ва Пау Викторни "Барселона"дан ижарага олиши мумкин. Бу ҳақда "Diario Sport" нашри хабар бермоқда.

Хабарга кўра, Фатининг агенти Жорже Мендеш вингерни "Бетис," "Жирона" ва "Валенсия" клубларига таклиф қилган.

"Барселона" билан яхши муносабатлар ўрнатган Андалусия клуби Фатининг мавсум охиригача ижара вариантини жиддий кўриб чиқмоқда. Шунингдек, испаниялик футболчига АПЛнинг бир нечта клубларидан қизиқиш бор.Агар "Барселона" Дани Ольмо ва Пау Викторни рўйхатдан ўтказа олса, у Каталония клубини ушбу трансфер ойнасида тарк этиши кутилмоқда.

Бундан ташқари, "Бетис" Пау Виктор билан боғлиқ вазиятни кузатиб бормоқда. Агар Блауграна клуби ҳужумчини рўйхатдан ўтказа олмаса, "Бетис" унга ижара ҳуқуқини беришга тайёр.