Улуғбек Бақоев: "Ўйинимиз "ўхшамаганини" ҳаяжон билан боғлаган бўлардим"

Суперлиганинг 1-туридан ўрин олган “Бунёдкор” – “Сўғдиёна” (0:0) учрашувидан сўнг меҳмонлар устози Улуғбек Бақоев матбуот анжуманида қатнашди.

"Аввало барчани мавсум старти билан табриклайман! Ўйин ҳақида гапирадиган бўлсам, 1-тур бўлгани боис “Бунёдкор”да ҳам, бизда ҳам ҳаяжон сезилди. Нимадир ўхшади, нимадир йўқ. Бироқ икки жамоа ҳам очко олди.

Фикримча, натижа адолатли бўлди. Иккала жамоада ҳам гол уриш учун имкониятлар бўлди. Ўйинимиз “ўхшамаганини” ҳаяжон билан боғлаган бўлардим. Биринчи 5 та турда бундай ҳолат бўлиб туради. Футболчиларнинг жисмоний ҳолати яхши. Охирги дақиқаларда гол уриб кетишимиз мумкин эди. Руҳий томондан ишлашимиз керак", - деди Бақоев.

"Бунёдкор" матбуот хизмати.