Улуғбек Бақоев: "Пенальтилар сериясига ҳам тайёрмиз"

Эртага бўлиб ўтадиган ОФК Кубоги доирасидаги “Хўжанд” – “Сўғдиёна” учрашуви олдидан жиззахликлар бош мураббийи Улуғбек Бақоев ва дарвозабон Милан Митрович матбуот анжуманида қатнашди.

Улуғбек Бақоев: - Ҳаммага ҳайрли кун. Биз Ўзбекистон Суперлигасида сўнгги ўйинимизни ғалаба билан якунладик. Футболчиларимизнинг кайфияти аъло даражада. Биз эртанги ўйинга тайёрмиз.

Эртанги баҳсга тўхталадиган бўлсак, “Хўжанд” жамоаси таркиби ёш футболчилардан ташкил топган, тажрибали футболчилардан иборат, шунингдек, “Хўжанд” жамоаси ўз уйида ўйнайди. Биз эртага соат 15:30 да ўйнаймиз ва максимал даражада ўйнаб кейинги босқичга чиқишга ҳаракат қиламиз.

Виталий Денисов профессионал ва юқори савияда ўйнайдиган футболчи. Жамоамизнинг бир неча ўйинларида “Сўғдиёна” ғалабасига ўз ҳиссасини қўшди.

Биз об-ҳаво ҳақида гапирдик. Ҳар қандай жамоа, фарқи йўқ, қандай даражада бўлишидан. Иккала рақибларнинг ҳам имконияти тенглашади. Бундай иқлимга ўрганган жамоада имконият юқорироқ бўлади. Эртанги ўйинда ҳар бир жамоа ғалаба қозонишни истайди. Биз эртага кейинги босқичга чиқиш учун майдонга тушамиз.

Кўп сонли муҳлислар ўйинни пенальтилар сериясигача боришини хоҳлашади. Лекин бу футболчилар ва мураббийларга қийин вазият. Биз пенальтилар сериясига ҳам тайёрмиз.

Милан Митрович:  Ҳаммага ҳайрли кун. Учрашув бир ўйиндан иборат бўлганлиги учун жуда қийин кечади.  Биз эртага соат 15:30 да ўйнаймиз иссиқ ҳаво лекин ўйинга тайёрмиз.

“Сўғдиёна” матбуот хизмати.