Умарали Раҳмоналиев “Сабаҳ” таркибида яна бир совринни қўлга киритди

Озарбайжон кубогининг финал босқичида “Сабаҳ” ва “Зире” жамоалари куч синашди.

Бош соврин учун кечган баҳсда ўзбекистонлик футболчи тўп тепадиган “Сабаҳ” 2:1 ҳисобида ғалаба қозонди. Раҳмоналиев мазкур ўйинда асосий таркибда майдонга тушиб, тўлиқ 90 дақиқа ҳаракат қилди.

Маълумот учун, ҳамюртимиз аввалроқ Озарбайжон чемпионатида ҳам олтин медалларни қўлга киритган эди.