Унай Симон “қуруқ” дарвозабон чиқиб қолди

Испания миллий терма жамоаси дарвозабони Унай Симон жаҳон чемпионати 1/16 финалида Австрияга қарши ўйинда дарвозасини яна дахлсиз сақлади.

Испания — Австрия — 3:0

Голлар:

• 36-дақиқа — Микель Оярсабаль
• 66-дақиқа — Педро Порро
• 89-дақиқа — Микель Оярсабаль

Шу тариқа, Симон  жаҳон чемпионатларида 519 дақиқа давомида гол ўтказмасдан  бу кўрсаткич бўйича янги рекорд ўрнатди.

У аввалги рекорд эгаси — италиялик Вальтер Дзенганинг 517 дақиқалик натижасини икки дақиқага яхшилади.

Симон сўнгги марта аввалги жаҳон чемпионатида 2022 йил 2 декабрь куни Японияга қарши баҳсда гол ўтказган эди (Испания 1:2 ҳисобида мағлуб бўлган).

У ҳозиргача Испания терма жамоаси сафида:

• 62 та ўйин ўтказган;
• 48 та гол ўтказиб юборган;
• 28 марта дарвозасини дахлсиз сақлаган.

1/8 финалда Испания Португалия билан тўқнаш келади.