Уни АПЛда кутишмоқда

Айни пайтда "Рома" бош мураббийи сифатида ишлаб келаётган Жозе Моуриньо фаолиятини бошқа чемпионатда давом эттириши мумкин.

"Marca" нашри тарқатган хабарга кўра, уни "туманли альбион"да кутишмоқда. Саудия Арабистони инвесторлари қўлига ўтган "Ньюкасл" португалиялик мутахассис хизматига қизиқиш билдиряпти. 

Таъкидланишича, "қарғалар" раҳбарияти жамоанинг ҳозирги бош мураббийи Эдди Ҳауни муваффақиятли ўйинларга қарамай, ишдан олмоқчи. Унинг ўрни тажрибали Моуриньо билан тўлдирилади.

59 ёшли мутахассисга АПЛ бегона эмас. У "Челси", "Манчестер Юнайтед" ҳамда "Тоттенҳэм" каби клублар бошқарувида ишлаган. Жозе жорий мавсум аввалида "Рома"да иш бошлади ва Европа Конференциялар лигаси финалига чиқди.